Gedichten van Jan Bos Schilderijen en tekeningen van René Kuipers |
Dij wait van visken, mout waiten van netten dreugen | Operoatie Zoltkaamp 14 | Oskerd UQ 6 | Roofvizzen | Wilde keuken | Dreum |
Oskerd UQ 6 Rugwoarts goan wie ien duustern van staaiger óf, te hoaven oet gaait gas open, hekgolven perbaaiern ons vergees ien te hoalen op ervoaren en meters noar visgronden. Schipper tuurt, vruzzelt blindelings wat aan knoppen en schoakeloars, der kroakt n bericht van kustwacht noarbinnen: der goan viefendaarteg man noar Börkem. t Is t ontwoaken oet flaren dook, kotter pruift diezege zolde zeelucht, t wotter krigt stoareg aan weer golven, lucht snoft wolken op oet guntse horizon. Daglicht, boomkornetten goan omdeel, gas gaait der óf en schipper tufket bie raand van geulen laans op struuntocht. t Laid van Ede Stoal waalst over golven. Leutje jewaailtjes van de zeeën, vaild ien Zoltkaamp en Laauweroog , doar stoan kisten roze banket veurdat ze op swilken kraant kommen om dopt te worren en tussentied oppeuzeld. Gain verrouste ankers dij t net verroppen, gain broken liertaauwen bie roeg weer, gain koppeling verbraand zoaans lesttied, vandoag gaait t, zoaans t aaltied goan mos. Jan Bos ien Hogelaandster toal |