Gedichten van Jan Bos
Schilderijen en tekeningen van René Kuipers
 Dij wait van visken, mout waiten van  netten dreugen   Operoatie  Zoltkaamp 14   Oskerd  UQ 6   Roofvizzen   Wilde  keuken   Dreum 

Operoatie Zoltkaamp 14

Kotter ligt vaastbonden aan staaiger
Ans n verdachte ien haandboeien.
Zien gele aarms hulpeloos ien lucht,
wabbern doulloos te niksen.

Zien vleugels liggen op waal
oetspraaid, ravveld en verropt.
Aanvreten deur scheepswrakken
lössloagen ankers en driefholt.

Twij schibbers stoan roerloos stil ans raaigers,
bloots ogen goan van boven noar beneden,
van linker kaant noar rechter,
zunder woorden, kieken zai nkanner aan.

n Kloun wit schippersgoaren fliddert
om n boetnaal , rood geluudloos om n aander.
t Net wort ientied aingoal weer monsterd,
elk wait, wat hom te doun staait.

Naal flitst deur moazen, roeten kommen veurdaag
op n nait te volgen vingervlugge menaaier.
Der worren knuppen legd zoaans
van ollen leerd en van dij heur olluu.

Regenvloagen striemen op gladde euliejessen.
Uur noa uur kriegen vleugels veren weerom.
Bie leste knup kieken baidend noar mekoar,
n körde knik, ruggen strekt, t net geft hom over.

Mörn kriegen doulloze aarms heur vleugels weerom,
wiend loat kotter wensk noar zee weerom roeken,
Genoatviskers mouten zilte op lippen pruiven
maank genoaten achter leste diek.

Jan Bos ien Hogelaandster toal